Հունվարի 31-ին, ժամը 22.10-ին, ոստիկանության Մարաշի բաժանմունքի ծառայողները Երեւանի Մ. Խորենացու փողոցի թիվ 35 հասցեի մոտից, թմրամիջոց իրացնելու կասկածանքով, բերման են ենթարկել 47-ամյա Սմբատ Կ.-ին եւ 38-ամյա Կարեն Խ.-ին:

Ոստիկանության մամուլի ծառայությունից հայտնում են, որ անձնական խուզարկությամբ Կարեն Խ.-ի մոտից հայտնաբերվել է 6 մլ ծավալով 2 ներարկիչ, որոնցից մեկի մեջ առկա էր սպիտակավուն պղտոր զանգված:

Սմբատ Կ.-ն խոստովանական բացատրություն է տվել, որ իր բնակության վայրում պատրաստել է թմրամիջոցը եւ հունվարի 31-ին, ժամը 21.30-ին, նշված հասցեի մոտ իրացրել Կարեն Խ.-ին:

Հայտնաբերվածն ուղարկվել է փորձաքննության:

Կատարվում է հետաքննություն: