Նախընտրելի
HSBC բանկի գլխավոր գործադիր տնօրեն Ստյուարտ Գուլիվերը միլիոնավոր դոլարներ է պահել բակի շվեյցարական մասնաճյուղում, որտեղ փետրվարի 18-ին ստուգումներ էին անցկացվել։ Այս մասին գրում է The Guardian-ը։
Ավելի վաղ Գուլիվերը ներողություն էր խնդրել այն բանի համար, որ բանկը գաղտնի հաշվեհամարներ է տրամադրել հանցագործներին։ Գործադիր տնօրենը վստահեցրել է, որ բանկը ոչ մի ցանկություն չունի իր բիզնեսը կիսել այնպիսի հաճախորդների հետ, որոնք խուսափում են հարկերից եւ ֆինանսական մեքենայությունների են դիմում։
Պարզվել է, որ ինքը՝ գործադիր տնօրենը, հաշիվ է ունեցել բանկի շվեյցարական մասնաճյուղում։ Պարբերականի տեղեկություններով՝ Գուլիվերը 7.9 մլն դոլար է փոխանցել Պանամայում գրանցված Worcester Equities Inc ընկերության հաշվեհամարին։ Ըստ փաստաթղթերի՝ Գուլիվերը հանդիսանում է շահառու սեփականատեր, գրում է Gazeta-ն։
HSBC բանկը ոչ մի կերպ չի մեկնաբանել այս տեղեկությունը։
