նախընտրելի դարձնել
Հայաստանի իշխանությունները պաշտոնի են նշանակում միայն գողերի եւ պատասխան չեն տալիս դրա համար։ Այս մասին մայիսի 15-ին՝ խորհրդարանական ճեպազրույցների ժամանակ հայտարարեց ՀԱԿ խմբակցության ղեկավար Լեւոն Զուրաբյանը։
«Ո՞վ է կազմակերպել «Նաիրիտի» անգերազանցելի մեքենայությունները եւ հետո անհետացել։ Ո՞վ է այն ժամանակ որոշումներ կայացրել, եւ ո՞վ է ստեղծել բոլորին անհայտ Rhinoville գործարանը, որի անունով գրանցել են «Նաիրիտը»։ Բոլորը գիտեն ով։ Սակայն իշխանությունները ոչինչ չեն անում։ Այդ դեպքում բռնե՛ք այդ մարդու եւ նրա համախոհների ձեռքը, ստիպե՛ք վերադարձնել գողացած միլիոնները եւ վճարեք աշխատակիցների աշխատավարձերը։ Իսկ նոր կառավարությունը բավական չէ, որ չի խոսում այդ մասին, դեռ առաջարկում է վաճառել գործարանում ինչը որ հնարավոր է եւ այդ գումարներից աշխատավարձ վճարել»,- հայտարարեց Զուրաբյանը։
Հիշեցնենք, որ 2006թ. պետությունը «Նաիրիտի» բաժնեմասերի 90 տոկոսը վաճառել էր բրիտանական Rhinoville Property Limited կոնսորցիումին։ ԱՊՀ Միջպետական բանկը 2006-ին Rhinoville Property Limited ընկերության համար 70 միլիոն դոլարի բանկային գիծ էր բացել, որը ընկերությունը չէր փակել։ Մոսկվայի արբիտրաժային դատարանը 2014թ. հունվարին բավարարել էր Միջպետական բանկի մասին հայցը` հայկական «Նաիրիտ» գործարանի սեփականատիրոջից պարտքեր դիմաց 90 տոկոս բաժնեմասերը բռնագրավելու հայցը։ Մնացած 10 տոկոսը պատկանում է ՀՀ կառավարությանը։
