նախընտրելի դարձնել
Եվրասիական տնտեսական միության երկրները միասնական թոշակային համաձայնագիր են պատրաստում։ Այս մասին մայիսի 29-ին խորհրդարանում հայտարարեց ՀՀ աշխատանքի եւ սոցիալական հարցերով նախարար Արտեմ Ասատրյանը։
Հիմա ԱՊՀ տարածքում գործում է քաղաքացիական, զինվորական եւ իրավապահ անձանց թոշակային ապահովության 1992թ. ընդունած համաձայնագրերը։
Նոր համաձայնագիրը ԵՏՄ երկրներին պետք է առաջարկի բոլոր 4 երկրների քաղաքացիներից թոշակային վճարումներ գանձել նրանց աշխատանքի ընթացքում։
«Այսինքն՝ անկախ նրանից, թե ԵՏՄ որ երկրում է աշխատում քաղաքացին, սոցիալական ապահովության, այդ թվում թոշակային իրավունքները պետք է ապահովվեն։ Ընդհանուր գաղափարն այսպիսին է, եւ դրա շուրջ Միության 4 երկրների ներկայացուցիչները քննարկումներ են վարում»,- հայտարարեց նախարարը։
