Հասարակություն00:55 | հոկտեմբերի 18, 2015

74 փաստաբաններ դիմել են ՓՊ նախագահին`համատեղ քննարկում հրավիրելու առաջարկով

ՀՀ փաստաբանների պալատի 74 անդամներ հանդես են եկել հայտարարությամբ, որտեղ դիմել են ՓՊ նախագահին՝ համատեղ քննարկում հրավիրելու վերաբերյալ։

Հայտարարությունում, մասնավորապես, ասվում է.

«Երվանդ Վարոսյանին եւ Տիգրան Խուրշուդյանին պատասխանատվության ենթարկելու մասին փաստաբանների պալատի խորհրդի որոշումից հետո, Երվանդ Վարոսյանի, Լուսինե Սահակյանի եւ Նիկոլայ Բաղդասարյանի կողմից հրապարակային կարգով տարաբնույթ հայտարարություններ հնչեցին՝ ինչով փորձ արվեց հեղինակազրկել փաստաբանների պալատի մարմիններին եւ փաստաբանների կողմից ընտրված անձանց: Ներկայացվեցին նաեւ ժամանակագրական տրամաբանությանը հակասող ակնհայտ շինծու փաստեր. օրինակ, երբ հունիսին կարգապահական վարույթ է հարուցվում, իբրեւ հոկտեմբերին սահմանադրական փոփոխություններին առնչվող փաստաբանների մի խմբի կողմից կազմված կարծիքի պատճառով:

Այս դեպքերին հաջորդեցին փաստաբանների պալատի նախագահի տեղակալի պարզաբանումները, իսկ հետո՝ փաստաբանների պալատի նախագահի հայտարարությունը համերաշխության կոչով:

Մտահոգված լինելով փաստաբանների պալատի հեղինակությամբ, չընդունելով խորհրդի որեւէ անդամի արտոնյալ՝ վարքագծի կանոնագրքից վեր համարվելու կարգավիճակը, դեմ լինելով որեւէ ծայրահեղական գործունեությանը, այդ թվում՝ պալատի ղեկավարության հետ վերջնագրերով խոսելուն, եւ հավատալով, որ խաղաղության կոչեր կամ քննարկումների հարթակներ ստեղծող մեր մյուս գործընկերները ցանկանում են խնդիրը լուծել՝

– Առաջարկում ենք փաստաբանների պալատի նախագահին եւ խորհրդի անդամներին ստեղծված խնդրի լուծման նպատակով փաստաբանների պալատում հրավիրել համատեղ քննարկում՝ հնարավորություն ընձեռելով փաստաբաններին ներկայացնել իրենց հարցադրումները եւ մոտեցումները:

Հարությունյան Հարություն

Սարգսյան Լուսինե

Սուքիասյան Հայկուհի

Ազիզյան Դավիթ

Բալաբեկյան Վահագն

Օհանյան Արմեն

Սրապիոնյան Դավիթ

Սարուխանյան Տիգրան

Պետրոսյան Հովհաննես

Սարգսյան Լուսինե Աշոտի

Գեւորգյան Անահիտ

Սեդրակյան Վահե