նախընտրելի դարձնել
Զարգացման Հայկական Բանկը գործարկել է ADB Mobile Banking հավելվածը, որը հնարավորություն կտա ինտերնետ հասանելիություն ունեցող սմարթֆոնների եւ պլանշետների միջոցով Բանկի հետ միշտ լինել կապի մեջ աշխարհի ցանկացած կետից:
Մոբայլ Բանկինգի միջոցով հաճախորդները կկարողանան ստուգել իրենց բանկային ու քարտային հաշիվների մնացորդները, իրականացրած գործարքների պատմությունը, վարկային մարումների գրաֆիկը, ավանդային հաշիվների ընթացիկ վիճակը, կատարել վճարումներ, դրամական փոխանցումներ ինչպես իրենց, այնպես էլ ուրիշ հաշիվների, կատարել կոմունալ վճարումներ, Բանկին ուղարկել հաղորդագրություններ եւ այլն: Այս հավելվածից օգտվելու համար անհրաժեշտ է Բանկում ունենալ հաշվեհամար եւ առցանց ծառայություններից օգտվելու գրանցում:
Հավելվածը նաեւ հնարավորություն է տալիս ծանոթանալ արտարժույթի փոխարժեքներին եւ քարտեզի վրա գտնել Բանկի ամենամոտ գտնվող մասնաճյուղն ու բանկոմատը՝ անկախ նրանից օգտվողը բանկի հաճախորդ է, թե ոչ:
Զարգացման Բանկի Մոբայլ Բանկինգ հավելվածից կարող են օգտվել ինտերնետ հասանելիություն ունեցող բջջային iOS կամ Android օպերացիոն համակարգերով աշխատող սարքերի միջոցով, որը հնարավոր է ներբեռնել Բանկի կայքէջից կամ App Store եւ Google Playօնլայն խանութներից:
