ՀՀ քննչական կոմիտեի Երեւան քաղաքի քննչական վարչության Աջափնյակ եւ Դավթաշեն վարչական շրջանների քննչական բաժնում հարուցվել է քրեական գործ՝ ինքնասպանության հասցնելու դեպքի առթիվ:

2015 թվականի նոյեմբերի 7-ին՝ ժամը 18:45-ին, ահազանգ է ստացվել, որ Բաշինջաղյան փողոցի 6-րդ շենքի 9-րդ հարկից մի տղա ցած է ընկել:

Դեպքի վայրի զննությամբ Երեւան քաղաքի Բաշինջաղյան փողոցի 6-րդ շենքի հետնամասում հայտնաբերվել Երեւան քաղաքի Բաշինջաղյան փողոցի 6-րդ շենքի 25 բնակարանի բնակիչ, 1998թ. ծնված Ա.Հերքիյանի դիակը:

Նրանից մոտ երկու մետր հեռավորությամբ հայտնաբերվել է ուրագ, ինչպես նաեւ՝ բջջային հեռախոս:

Դեպքի առթիվ 2015 թվականի նոյեմբերի 7-ին ՀՀ քննչական կոմիտեի Երեւան քաղաքի քննչական վարչության Աջափնյակ եւ Դավթաշեն վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 110-րդ հոդվածի 1-ին մասով՝ ինքնասպանության հասցնելը:

Նշանակվել է դիակի դատաբժշկական փորձաքննություն:

Կատարվում է նախաքննություն: