Սիրիայում զինվորականները սպանել են «Գլուխ կտրող Կոկիտո» մականունով ԻՊ դահճին

Սիրիայի կառավարական  բանակի ստորաբաժանումները Հալեպի նահանգի Քվեյրիս օդանավակայանի ապաշրջափակման ժամանակ ոչնչացրել են ԻՊ խմբավորման դահիճներից մեկին, որը հայտնի էր որպես Գլուխ կտրող Կոկիտո (Kokeeto the Beheader), տեղեկացնում է Al Masdar News-ը։

Մուհամմեդ Համդուշին սպանել են Սիրիայի բանակի «Ընձառյուծ» ջոկատի մարտիկները։

Պարբերականի տեղեկություններով՝ Համդուշը ոչ միայն ծառայում էր ինքնահռչակ խալիֆայությանը, այլ անձամբ ԻՊ պարագլուխ Աբու Բաքր ալ Բաղդադիին։

Al Masdar News-ը նաեւ նշում է, որ Կոկիտոն հայտնի էր գլխատումները նկարահանելու իր մոլուցքով, փոխանցում է Lenta-ն։