Նախընտրելի
ԱՄՆ-ը մտադիր է ավելի շատ միջոցներ տրամադրել իր բանակի տեխնիկական զինմանը, գրում է Gazeta-ն` վկայակոչելով Financial Times-ին:
Պենտագոնի ներկայացուցիչները հայտնել են, որ ռազմական տեխնոլոգիաների ֆինանսավորման ավելացումն անհրաժեշտ է Ռուսաստանին եւ Չինաստանին հաջողությամբ դիմակայելու համար:
«Մենք պիտի պատրաստ լինենք հակահարված տալու բարձր տեխնոլոգիական թշնամուն», — հայտնել է ԱՄՆ-ի պաշտպանության նախարար Էշթոն Քարթերը:
Քարթերի կարծիքով, Պենտագոնը պիտի հատուկ ուշադրություն հատկացնի պաշտպանական ոլորտում տեխնոլոգիաների զարգացմանը: Նրա խոսքով, մոտակա տարիներին ԱՄՆ-ը բոլորովին այնպես չի պատերազմելու, ինչպես ավելի վաղ Իրաքում կամ Աֆղանստանում:
Այսպես, մոտ ժամանակներս, Պենտագոնն ավելի շատ ներդրումներ կանի այնպիսի նորարարությունների մեջ, ինչպիսին է, օրինակ, անօդաչու տախտակամածային X-47B թռչող սարքը: Կազմակերպության ներկայացուցիչները կարծում են, որ ապագան պատկանում է նման սարքերին:
