Ամերիկացի գիտնականները եկել են այն եզրակացության, որ հարուստ եւ աղքատ մարդիկ սննդին տարբեր կերպ են մոտենում։ Նրանց անցկացրած հետազոտության մասին գրում է The Independent պարբերականը։

Մասնագետներն ուսումնասիրել են սեղանի մոտ հարուստների եւ աղքատների պահելաձեւը եւ արձանագրել, թե փորձին մասնակցող կամավորներից ով որքան է ուտում։

Աղքատ ընտանիքից ծագող մարդիկ ոչ միայն լրիվ կերել են իրենց բաժինը, այլ  նաեւ շարունակել են ուտել անգամ կշտանալուց հետո։ Իսկ հարուստները ավելի հաճախ կերել են այնքան, որքան իրենց պետք է քաղցը հագեցնելու համար, փոխանցում է  Informing-ը։

Պարզվում է, որ մարդիկ, որոնք փոքր հասակում թերսնուցում են ունեցել, մեծանալով շարունակում են «սեւ օրվա» համար պաշար կուտակել՝ ուտելով հնարավորինս շատ, ինչը հանգեցնում է ավելորդ քաշի։

Իսկ մանուկ ժամանակ ուտելիքի պակաս չունեցող երեխաները մեծանալով ավելի գրագետ են կազմակերպում իրենց սննդակարգը եւ որպես կանոն՝ նման խնդիրներ չեն ունենում։