նախընտրելի դարձնել
Պակիստանում հնագետները հայտնաբերել են 1.1 մլն տարի առաջ մահացած ստեգոդոնի ժանիք։ Այս մասին ասված է «Դոոն» թերթի կայքում։
Փենջաբի համալսարանի կենդանաբանության դեպարտամենտի ղեկավար Մուհամմադ Աքհթարի խոսքով՝ հայտնագործությունն արվել է Քհարիյանի քաղաքից ոչ հեռու։
Ժանիքը պատկանում է ստեգոդոնի հասուն առանձնյակի, որի նախնիներն Ասիայում ապրել են 5.3-2.3 մլն տարի առաջ, փոխանցում է ՏԱՍՍ-ը։
Ժանիքը, որը Պակիստանի տարածքում հայտնաբերվածներից ամենախոշորն է, ունի ավելի քան 2.4 մ երկարություն, իսկ տրամագիծը կազմում է 20 սմ։
Ժամանակին այս կենդանիները համարվում էին փղերի եւ մամոնտների նախնիները, սակայն հետո ապացուցվել էր, որ ստեգոդոնները սերունդներ չեն թողել։ Նրանց վերջին գաճաճ պոպուլյացիան ապրում էր Ինդոնեզիայի Ֆլորես կղզում եւ մահացել է 12 հազար տարի առաջ։
