Երրորդ երկրներից Բելառուսով ապրանքների ներմուծումը  2015-ին նվազել է 48 տոկոսով, փոխարենը բելառուսական ապրանքների ներմուծումն աճել է  10 տոկոսով: Այդ մասին փետրվարի 19-ին Երեւանում հայ-բելառուսական միջկառավարական հանձնաժողովի նիստի արդյունքներն ամփոփող ճեպազրույցին հայտնել է Հայաստանի էկոնոմիկայի նախարար Կարեն Ճշմարիտյանը:   

Հայաստանից արտահանումն իր բնական արտահայտությամբ չի փոխվել, նվազել է ընդամենը գնային արտահայտությամբ համաշխարհային շուկաներում ընդհանուր միտումների պատճառով, հավելել է նախարարը: 

Նշենք, որ 2015-ի արդյունքում Հայաստանի եւ Բելառուսի միջեւ առեւտրաշրջանառությունը մոտ   39,2 մլն դոլար է կազմել 2014-ի 40,1 մլն-ի համեմատ: