Հնդկաստանի Հարյանի նահանգում ոստիկանության եւ ցուցարարների բախման հետեւանքով չորս մարդ զոհվել է, ինը լուրջ վնասվածքներ է ստացել, տեղեկացնում է ՌԻԱ Նովոստին` վկայակոչելով  India Today հեռուստաալիքին:

Ավելի վաղ հաղորդվել էր մեկ զոհվածի եւ ինը վիրավորի մասին: 

Իշխանությունները կարգադրել են առավել անհանգիստ` Ռոհտակի եւ Բհիվանիի շրջաններում պարետային ժամ մտցնել եւ  կրակել առանց զգուշացման:  Այդ շրջաններում, ինչպես նաեւ Հիսարում, Ջինդում, Սոնիպատում, Պանապիտում, Ջաջարում եւ Կաիտհալեում բանակային ստորաբաժանումներ են տեղակայվել: Զինվորականները ստիպված են եղել ուղղաթիռներով հասնել որոշ շրջաններ, որովհետեւ ցուցարարները փակել էին ճանապարհները: 

Ռոհտակի եւ Ջաջարի շրջաններում անկարգությունները սկսվեցին հինգշաբթի երեկոյան, երբ պետական հաստատություններում աշխատատեղերի քվոտաների ավելացում եւ բուհերում տեղեր պահանջող ջաթերը (էթնիկ խումբ, որը հիմնականում սիկհականություն է դավանում) արգելափակեցին մի քանի ավտոճանապարհ եւ բարիկադներ կառուցեցին: Չնայած այն բանին, որ նահանգի կառավարությունը ցուցարարներին զիջումներ արեց, ջաթերը շարունակեցին ցույցերը: 

Ցուցարարները նաեւ մի գրասենյակ, ավտոբուսներ եւ երեք դպրոց կրակի տվեցին Ռոհտակի շրջանում:  Ցուցարարները փակել են Նյու Դելիի մոտակայքում գտնվող Գուրգաոն քաղաքի հիմնական ճանապարհները, միջոցներ են ձեռք առնվում մայրաքաղաք նրանց մուտքը թույլ չտալու ուղղությամբ: Ջաթերը նաեւ երկաթուղային կայարան են այրել Ջինդիի շրջանում: