Հաջորդ շաբաթ Կուբա նախանշված Ավստրիայի նախագահ Հայնց Ֆիշերի այցի ժամանակ Ֆրանկ Ստադլերի համերգի ժամանակ կղզում առաջին անգամ կհնչի ավստրիացի կոմպոզիտոր Վոլֆգանգ Ամադեուս Մոցարտին պատկանած ջութակներից մեկը: Այս մասին գրում է ՏԱՍՍ-ը՝ վկայակոչելով տեղական լրատվամիջոցներին:

Գործիքն ավստրիացի հանճարի անձնական իրերի հավաքածուից է, որոնք պահվում են Զալցբուրգում, Մոցարտեում միջազգային հիմնադրամում:

Ֆիշերը պետական այցով Հավանա կժամանի մարտի 1-ին: Այցի վերջին երկու օրերին նա կմասնակցի պաշտոնական միջոցառումների:

Այս տարի նշվում է Կուբայի եւ Ավստրիայի միջեւ դիվանագիտական հարաբերությունների հաստատման 70-ամյակը: