Նախընտրելի
Թաթերը վեր բարձրացնող Կիս կատուն նվաճել է համացանցի օգտատերերին: Կիսի լուսանկարները հայտնվել են Imgur կայքում եւ հիթ են դարձել, տեղեկացնում է Gazeta-ն:
Կատվի տերը` Փիթեր Մարեսը BuzzFeed պարբերականին պատմել է, որ մի առավոտ Կիսը բարձրացրել է թաթերը ձգվելու համար, եւ ինքն այդպես լուսանկարել է նրան: Հաջորդ առավոտ Մարեսը նույն բանն է արել, հետո կատվին նրա սիրած կոկոսի յուղ է հյուրասիրել: Այժմ Կիսը թաթերը բարձրացնում է, հենց որ տեսախցիկ տեսնի:
«Շատ հուզիչ է, համացանցին խելքահան է արել», — գրում է պարբերականը: «Ի վերջո, նա մենք ենք ամեն տեսակ անհարմար իրավիճակներում», – ասված է գրությունում:
Բացի այդ, Կիսը տարբեր մեմերի հերոսուհի է դարձել: Նկարներից մեկում նա ներկայացնում է դերասան Լեոնարդո ԴիԿապրիոյին, որն առաջին անգամ «Օսկարի» է արժանացել, մյուսում ֆուտբոլային դարպաս է պաշտպանում:
Սոցցանցերի նոր աստղին արդեն «նպատակային կատվիկ» են կոչել: Թվիթերում եւ ինստագրամում նրա համար հենց այդ անվանումով են հաշիվներ բացել` goal kitty:
Ինչպես գրում է The Huffington Post-ը, Կիսն իր տիրոջ հետ Կալիֆորնիայում է ապրում:
