նախընտրելի դարձնել
Երեւանում մարտի 28-ի երեկոյան ավազակային հարձակման ենթարկված 67-ամյա Նուրիցա Թանկյանը «Արմենիա» բժշկական կենտրոնի Վերակենդանացման բաժանմունքից տեղափոխվել է Նեյրովիրաբուժական բաժանմունք: NEWS.am-ի հետ զրույցում Նեյրովիրաբուժական բաժանմունքի վարիչ Դավիթ Պատրիկյանը նշեց, որ կինն ունի թեթեւ գանգուղեղային վնասվածք եւ թեթեւ աստիճանի սալջարդ, նրա վիճակը միջին ծանրության է:
«Հիվանդն ընդունվել է գիշերը՝ Վերակենդանացման բաժանմունք, առավոտյան տեղափոխվել է մեզ մոտ: Վիճակը միջին ծանրության է, ունի գանգուղեղային վնասվածք եւ թեթեւ աստիճանի սալջարդ»,- ասաց Սուրեն Մակարյանը:
Ավելի վաղ հայտնել էինք, որ 2016թ. մարտի 28-ին ժամը 22:20-ի սահմաններում անհայտ անձն ավազակային հարձակում է գործել Երեւանի Արամ Խաչատրյանի փողոցի 25 շենքի բնակարաններից մեկի վրա:
Բնակարանի տանտիրուհի, 67-ամյա Նուրիցա Թ.-ին արնաշաղախ հայտնաբերել են հարեւանները:
Տուժածին տեղափոխել են «Արմենիա» բժշկական կենտրոն:
Դեպքի հանգամանքները պարզվում են:
