նախընտրելի դարձնել
Հանրապետության գործող օրենսդրության համաձայն, Հայաստանի բանկերն իրավունք չունեն ռեալ սեկտորի ակտիվներ ձեռք բերել եւ կառավարել դրանք: Այդ մասին ապրիլի 5-ին խորհրդարանում հայտնել է նախկին վարչապետ, ընդդիմադիր պատգամավոր Հրանտ Բագրատյանը` «Հրազդան-ցեմենտ» գործարանի հարկային տույժերի դուրս գրման վերաբերյալ օրենքի նախագծի քննարկմանը:
«Այս գործարանի բաժնետոմսերն արդեն երկար ժամանակ է` «VTB-Արմենիա» բանկի ձեռքում են: Իսկ մեր օրենքների համաձայն, բանկն իրավունք չունի իր հաշվեկշռում 6 ամսից ավելի գրավադրված ձեռնարկություն պահել: Այդ ժամկետից հետո նա պիտի վաճառի: Որովհետեւ բանկն իրավունք չունի հանդես գալ որպես ներդրումային ընկերություն: Իսկ այստեղ այդ օրենսդրությունը խախտվում է, եւ Կենտրոնական բանկը դրա վրա ուշադրություն չի դարձնում», - ընդգծել է Բագրատյանը:
