նախընտրելի դարձնել
Հետաքննությունների դաշնային բյուրոն ջարդել է Սան Բեռնարդինոյից հրաձիգի հեռախոսը, այդ թվում` ցանցահենների օգնությամբ, գրում է Gazeta-ն` վկայակոչելով The Washington Post-ին:
Իրազեկ աղբյուրը պատմել է, որ ցանցահենները գերատեսչությանը տեղեկատվություն են տրամադրել խոցելիության վերաբերյալ, ինչը թույլ է տվել կոդ հավաքել սմարթֆոնին մուտք ունենալու համար: Առավել լուրջ խնդիր էր ոչ թե չորս պարզ թվի հավաքումը, այլ համակարգի ապաակտիվացումը, որը 10 փորձից հետո ջնջում է փորձերը:
Հոդվածում ցանցահենները երեք տեսակի են բաժանվում: Առաջինները հանրության եւ ծրագրավորողների համար բացահայտում են խոցելի հատվածները, ինչից հետո խնդիրները վերացվում են: Երկրորդները մշակումներն օգտագործում են ցանցեր ջարդելու եւ տեղեկություններ գողանալու համար: Երրորդները դասվում են միջին կարգին, որը տվյալներ է վաճառում կառավարություններին եւ ընկերություններին:
Ճշտվում է, որ այս երրորդ կարգի ծրագրավորողը հենց կարող էր մասնակցել տվյալ գործին: Հարցին ծանոթ աղբյուրը նշել է, որ նման դեպքում ՀԴԲ-ն իսրայելական Cellebrite ընկերության կարիքը չի ունեցել, որին պատասխանատու են համարում ջարդելու համար:
