Ամերիկյան Օրեգոնի նահանգից ֆերմերը հեծանվի գողին բռնել է պարանօղակի օգնությամբ, հայտնում է տեղի ոստիկանությունը: Ուրբաթ առավոտ  28-ամյա Ռոբերտ Բորբան, տեղի ԶԼՄ-ների տվյալներով, գնումները տեղավորում էր Walmart խանութի կայանատեղիում կայանած իր մեքենայում, հայտնում է BBC-ի ռուսական ծառայությունը: 

Այդ պահին նա կնոջ ձայն է լսել, որն օգնության էր կանչում: Նրա հեծանիվը փորձում էին գողանալ: 

Բորբան գրեթե անմիջապես ցատկել է իր ձիուն, որը կայանատեղիում գտնվող քարշակում էր: Նա հասել է գողին եւ նրա վրա պարանօղակ է նետել: Պարանը բռնել է գողի ոտքերը, եւ նա ընկել է: Հետո Բորբան նրան քարշ է տվել դեպի կայանատեղիի ծայրը եւ ոստիկանություն է կանչել:   

Տեղի ԶԼՄ-ներին տված հարցազրույցում ֆերմերը պարզաբանել է, որ առանց ձիու, չէր կարողանա հասնել գողի հետեւից, որովհետեւ բավականաչափ արագ չի վազում: 

 Ֆերմերը կանոնավորապես պարանօղակ է օգտագործում գյուղատնտեսության մեջ` կենդանիներին զսպելով դրա օգնությամբ:  Կանչով տեղ հասած ոստիկանությունը հայտնաբերել է կապկպված գողին եւ հեծանիվը: Ոստիկանները խոստովանել են, որ առաջին անգամ են տեսնում, որ գողերին որսան պարանօղակի օգնությամբ: