Կենսաբանները հայտնել են, որ Melomys rubicola տեսակի խճանկարապոչ առնետը գլոբալ տաքացման առաջին զոհն է դարձել կաթնասունների շրջանում, տեղեկացնում է The Guardian պարբերականը:

Առնետը Տորեսյան նեղուցի կղզիներից մեկի (կղզին Բրամբլ-Քեյ անունն է կրում) էնդեմիկներից է: Նրա երկարությունն ընդամենը 340 մմ է, իսկ լայնությունը` 150 մմ: Կղզին գտնվում է Ավստրալիայի հյուսիսային ափին: 

Melomys rubicola առնետը միակ էնդեմիկ կաթնասունն էր, որն ապրում էր Մեծ Արգելախութի վրա: 2004 թվականից ջրի բարձրացման հետեւանքով առնետների գոյության տարածքը    97 տոկոսով կրճատվել է` 2,2-ից մինչեւ 0,065 հա:

Melomys rubicola առնետները կղզում առաջին անգամ հայտնաբերվել են  1845 թվականին: 1978-ին, գիտնականների գնահատականով, կրծողների թիվը մի քանի հարյուր առանձնյակի է հասել:   Կենդանիներին կղզում վերջին անգամ տեսել են   2009-ին, իսկ այժմ, կղզու մանրամասն հետազոտումից հետո, կենսաբանները եզրակացրել են,  որ առնետները վերացել են գլոբալ տաքացման հետեւանքով` դառնալով դրա առաջին զոհերը կաթնասունների շրջանում: