նախընտրելի դարձնել
ԵԺԿ նախագահ Յոզեֆ Դոլը եւ ԵԺԿ քաղաքական խմբի ղեկավար Աքսել Ֆիշերը միանշանակ դատապարտել են Գերմանիայի Բունդեսթագում Հայոց ցեղասպանությունը ճանաչող բանաձեւի ընդունումից հետո Թուրքիայի իշխանությունների պահվածքը եւ պատգամավորներին ուղղված սպառնալիքները: Այս մասին Facebook-ի իր էջում գրել է ԵԽԽՎ-ում հայկական պատվիրակության անդամ Սամվել Ֆարմանյանը:
«ԵԽԽՎ խորհրդարանական վեհաժողովի ԵԺԿ քաղաքական խմբի նիստի մենարկին, ԵԺԿ նախագահ Յոզեֆ Դոլը եւ խմբի ղեկավար Աքսել Ֆիշերը, ի պատասխան իմ կողմից բարձրացված մտահոգության` Բունդեսթագի պատմական որոշման եւ դրան հաջորդված թուրքական սպառնալիքների առնչությամբ, միանշանակ դատապարտել են Թուրքիայի իշխանությունների պահվածքը եւ պատգամավորներին ուղղված սպառնալիքները: Թեման իր շարունակությունը կստանա լիագումար նիստում, երբ քննարկման առանցքում կլինի Թուրքիան»,-գրել է նա:
Նշենք, որ այսօր՝ հունիսի 20-ին, Ստրասբուրգում մեկնարկել է ԵԽԽՎ ամառային նստաշրջանը:
