նախընտրելի դարձնել
Մեծ Բրիտանիայի նոր արտգործնախարար Բորիս Ջոնսոնը հայտնի է համաշխարհային առաջնորդների հասցեին իր սկանդալային եւ բոլորովին էլ ոչ դիվանագիտական արտահայտություններով, այժմ նա պետք է աշխատի այդ մարդկանց հետ: Ջոնսոնը Հիլարի Քլինթոնին հոգեբուժարանի սադիստ բուժքույր է կոչել, Պուտինին համեմատել է ջրոգի Դոբբիի հետ, իսկ Էրդողանին կոչել է «սեռական կարիքներ ունեցող տղա Թուրքիայից»: Իսկ այժմ, երկրի համար բարդ ժամանակաշրջանում, այդ մարդը գլխավորում է բրիտանական դիվանագիտությունը: Ի՞նչ ասես, նրա համար հեշտ չի լինի:
Բորիս Ջոնսոնը համաշխարհային առաջնորդների մասին եւ ոչ միայն
«Նրան դիմակայող լրագրողներին սպանում են: Նրա մրցակիցները բանտում են հայտնվում: Չնայած նա տնային ջրոգի Դոբբիի տեսք ունի, իրականում անխիղճ բռնակալ է եւ մանիպուլյատոր», — Ռուսաստանի նախագահ Վլադիմիր Պուտինի մասին, 2015-ի դեկտեմբեր:
«Բոլորը, ովքեր սիրում են Ամերիկան, պետք է մտածեն, թե ինչպես աջակցեն Հիլարիին, բայց ոչ անպայման նրա համար, այլ Բիլլի, որպես նախագահի ամուսնու: Նա ներկած մազեր ունի եւ պողպատյա կապույտ հայացք, ինչպես հոգեբուժարանի սադիստ բուժքույրը: Եթե Բիլլը կարող է գլուխ հանել Հիլարիից, ուրեմն ցանկացած ճգնաժամ կհաղթահարի». Հիլարի Քլինթոնի` ԱՄՆ-ի նախագահական ընտրություններին մասնակցելու առաջին փորձի մասին` 2007 թվականին: Հետագայում Ջոնսոնն ասում էր, թե իրեն եւ Հիլարի Քլինթոնին կապում են հրաշալի հարաբերությունները:
«Միակ պատճառը, որի համար ես չեմ մտնի Նյու Յորքի որոշ թաղամասեր, Դոնալդ Թրամփին հանդիպելու վտանգն է». ԱՄՆ-ի նախագահի հանրապետական թեկնածուի այն հայտարարության մասին, որ ոստիկանները Լոնդոնի որոշ թաղամասեր չեն մտնում մահմեդականների առատության պատճառով, 2015-ի դեկտեմբեր:
«Մենք չպետք է վախենանք չինացիներից: Չինաստանը երբեք չի տիրապետի աշխարհում: Մեր երեխաները չինարեն սովորելու կարիք չունեն». աշխարհում Չինաստանի դերի մասին, 2005 թվական:
«Իմ երեխաները չինարեն են սովորում, ինչո՞ւ նաեւ [չներառենք դա հանրակրթական ծրագրում]: Անպայման, անպայման: […] Ես սիրում եմ Չինաստանը: Դա զարմանալի վայր, է եւ կարծում եմ` որքան ավելի ենք ճանաչում չինական մշակույթը եւ սովորում ենք հասկանալ, այնքան լավ». չինարեն սովորելու անհրաժեշտության մասին, 2013 թվական: Ջոնսոնն այն ժամանակ խոստովանում էր, որ իր գրեթե տասնամյա վաղեմության հոդվածը չի արտացոլում քաղաքական գործչի ընթացիկ հայացքները:
«Ոմանք ասում են, թե դա քենիական արմատներով նախագահի ժառանգական ատելության մասն է Բրիտանական կայսրության հանդեպ, որի նվիրված պաշտպանն էր Չերչիլլը». Օվալաձեւ աշխատասենակից Ուինստոն Չերչիլի կիսանդրու անհետացման մասին Բարաք Օբամայի ԱՄՆ-ի նախագահ դառնալուց հետո, 2016-ի ապրիլ:
«Նապոլեոնը, Հիտլերը եւ ուրիշները փորձում էին հետ բերել [Հռոմեական կայսրության ոսկեդարը]: Եվրամիությունը փորձ է նույն բանն անելու, բայց այլ մեթոդներով». ԵՄ-ից դուրս գալու անհրաժեշտության մասին, 2016 թվականի մայիս:
«Սեռական կարիքներ ունեցող տղան Թուրքիայից // Ապրում էր էրեկցիաներով եւ երազախաբություններով// Քիչ էր մնում` չդիմանար //Բայց մտցրեց այծի մեջ //Բայց կարող էր գոնե ժպտալ նրան». Թուրքիայի նախագահ Ռեջեփ Թայյիփ Էրդողանի հասցեին վիրավորական բանաստեղծություն գրելու յուրաքանչյուրի իրավունքի մասին, 2016-ի մայիս, Ջոնսոնին է մեկնաբանում Մեդուզա պորտալը:
