Southside with you ֆիլմը, որը 28-ամյա Բարաք Օբամայի եւ 25-ամյա Միշել Ռոբինսոնի առաջին ժամադրության մասին է, կբարձրանա մեծ էկրաններ, հայտնում է Reuters գործակալությունը:

Ֆիլմի համաշխարհային պրեմիերան տեղի կունենա օգոստոսի 26-ին:

Առաջին հանդիպմանը ապագա կողակիցներն այցելել են արվեստի ցուցահանդես, տեղական համայնքի ժողովին, կինոթատրոն, նաեւ խոսել են կյանքի մասին, կիսվել իրենց հավակնություններով եւ վախերով:

Ֆիլմի հեղինակները այդ հանդիպման մասին տեղեկությունները վերցրել են ամուսնական զույգի տված հարցազրույցից:

Բարաք Օբաման Միշել Ռոբինսոնի հետ ամուսնացել է 1992 թվականին: