Մոտ 90 պաշտոնաթող գեներալ եւ ծովակալ բաց նամակ է գրել` աջակցելու Հանրապետական կուսակցությունից ԱՄՆ-ի նախագահի թեկնածու Դոնալդ Թրամփին:  Այն հրապարակել է The New York Times թերթը:

88 բարձրաստիճան զինվորականների դիմումում ասված է, որ նրանք հոգնել են ռազմական ղեկավարության գործողություններից եւ ազգային անվտանգության ապահովմանը մոտեցման փոփոխման անհրաժեշտություն են տեսնում, ինչը կարող է տեղի ունենալ միայն այնպիսի մարդու ղեկավարությամբ, որը կապ չունի գործող ռեժիմի հետ:   

«Անցած ութ տարվա ընթացքում ԱՄՆ-ի ուժերը  բյուջեի  կրճատումների, քաղաքական որոշումների եւ մարտական գործողությունների  ամբողջ շարքի են ենթարկվել, որոնք եղել են վատ մտածված եւ հյուծիչ եւ մեր սքանչելի զինվորականներին պակաս ունակ են դարձրել` կատարելու կենսական կարեւորություն ունեցող առաջադրանքներ», — նշված է հայտարարության մեջ:

Պաշտոնաթող զինվորականներն աջակցություն են հայտնել Թրամփին եւ նրա «զինված ուժերը վերականգնելուն, սահմաններն անվտանգ դարձնելուն, իսլամ ազգամոլների թվին պատկանող թշնամիներին հաղթելուն եւ երկրի ներսում օրենքն ու կարգը վերականգնելուն նվիրվածությանը», հայտնում է Gazeta-ն: