նախընտրելի դարձնել
Չինաստանի իշխանությունները նախատեսել են աճուրդով վաճառել միլիարդատեր Լյու Հանյայի 13 շքեղ ավտոմեքենա, անցյալ տարի նա մահապատժի է ենթարկվել հանցավոր խմբավորումներ ստեղծելու մեղադրանքով, հայտնում է Sina պորտալը:
Սիչուան նահանգի դատարանը հայտնել է, որ մահապատժի ենթարկված միլիարդատիրոջ թանկարժեք մեքենաների աճուրդը կկայանա սեպտեմբերի 25-ին: Վաճառքի հանվելիք մեքենաների թվում են Bentley, Ferrari եւ Lamborghini.
Լյու Հանը, որն ավելի վաղ զբաղեցնում էր Չինաստանի լեռնահանքային արդյունաբերության խոշորագույն կորպորացիաներից մեկի` Hanlong Group-ի ղեկավարի պաշտոնը, մահապատժի է ենթարկվել 2015 թվականի փետրվարի 9-ին իր եղբոր` Լյու Վեեմի եւ եւս երեք հանցակցի հետ:
Ընդհանուր առմամբ, միլիարդատիրոջ աղմկահարույց գործում 36 մարդ է եղել: Հինգը դատապարտվել է մահապատժի` երկու տարի հետաձգմամբ, չորսը` ցմահ բանտարկության, եւս 22-ը` ազատազրկման տարբեր ժամկետների:
Լյու Հանը մեղադրվում էր «հանցավոր մաֆիոզ խմբավորում կազմակերպելու» եւ կանխամտածված սպանության համար: Մեղադրանքի համաձայն, ԿՀԽ-ի անդամները հանցավոր գործունեություն են իրականացրել 1993 թվականից, գլխավորապես Սիչուան նահանգում: Լյու Հանի գլխավորած խմբավորումը անօրինական վերահսկողություն է սահմանել տեղի տնտեսության մի շարք ոլորտների վրա, «հսկայական շահույթ ստանալով եւ լրջորեն խախտելով տնտեսական եւ հասարակական կարգը»:
