Նախընտրելի
Գիտնականները պարզել են, թե որն է աշխարհում երբեւէ գոյություն ունեցածների մեջ ամենահին քաղաքակրթությունը, հայտնում է Informing-ը:
Դանիացի եւ ավստրալացի հետազոտողների մի խումբ, վերլուծելով աշխարհի բոլոր ժողովուրդների ԴՆԹ-ն, պարզել է, որ ամենահին քաղաքակրթությունը Ավստրալիան է եւ նրա բնակիչները, որոնք Երկրում հայտնվել են դեռեւս 50 հազար տարի առաջ:
Գիտնականների տվյալների համաձայն, 72 հազար տարի առաջ, կլիմայական փոփոխությունների հետ կապված, Աֆրիկայից լայնածավալ միգրացիա է տեղի ունեցել: Մարդիկ ստիպված են եղել լքել «ընտանի» վայրերը եւ մեկնել Ավստրալիա:
Իսկ 37 հազար տարի առաջ սկսվել է աշխարհամասերի տարանջատումը, եւ արդյունքում հաջորդ 4 հազար տարվա ընթացքում ավստրալացիներն ամբողջությամբ մեկուսացել են արտաքին աշխարհից:
Բայց միաժամանակ գիտնականները նրանց ԴՆԹ-ում «այլ մարդկանց» 4 տոկոս խառնուրդ են հայտնաբերել: Առայժմ մասնագետները դժվարանում են ասել, թե դա որտեղից է հայտնվել: Բայց այդ հարցի հետազոտությունները շարունակվում են:
Ճիշտ է, առայժմ հետազոտողները նախապատվությունը տալիս են այն տեսությանը, ըստ որի, այդ 4 տոկոսը պատկանել է ասիացիներին, որոնք կարող էին հայտնվել Ավստրալիայի հյուսիսում:
