նախընտրելի դարձնել
Հայաստանի ԱԻՆ-ում, հոկտեմբերի 2-ին, ժամը 04.37-ին ահազանգ է ստացվել, որ Երեւանի Տիչինայի փողոցի թիվ 4 տան բակում այրվում է պահեստավորված անասնակեր:
Դեպքի վայր են մեկնել չորս մարտական հաշվարկ, ճգնաժամային կառավարման ազգային կենտրոնի օպերատիվ եւ
արտակարգ իրավիճակների արձագանքման խմբերը:
Հայտարարվել է հրդեհի բարդության «Բիս-1» աստիճան:
Հրդեհը մեկուսացվել է ժամը 05.55-ին, մարվել՝ 07.08-ին:
Պարզվել է, որ Տիչինայի թիվ 4 տան բակում այրվում է մոտ 1100 հակ անասնակեր (սեփականատեր Ջ. Թ.):
Հրշեջ-փրկարարները անասնագոմից դուրս են բերել 13 խոշոր եղջերավոր անասուն:
Կանչի վայրում երկու մարտական հաշվարկ իրականացնում է հերթապահություն՝ մինչ մասնավոր հատուկ տեխնիկայով քանդման աշխատանքների ավարտը:
Հոկտեմբերի 2-ին, ժամը 07.08-ից մինչ 13.59-ը երկու մարտական հաշվարկ Տիչինայի փողոցի թիվ 4 տան բակում իրականացրել են հետհանգեցման աշխատանքներ եւ հերթապահություն:
