նախընտրելի դարձնելBeeline-ը կկազմակերպի մեկօրյա ուսուցողական դասընթաց «ՎիմպելԿոմ»-ի կողմից իրականացվող «Eurasia Mobile Challenge» միջազգային մրցույթի հայաստանյան փուլի մասնակիցների համար։
Դասընթացի շրջանակում, որը տեղի կունենա հոկտեմբերի 8-ին Էրեբունի Պլազա բիզնես կենտրոնում, տեղեկատվական տեխնոլոգիաների ոլորտի տեղական եւ միջազգային փորձագետները հանդես կգան ելույթներով թվային տեխնոլոգիաների, նորարարության եւ ձեռնարկատիրության վերաբերյալ: Բացի այդ մրցույթում գրանցված թիմերի ներկայացուցիչները հնարավորություն կունենան ներկայացնելու, փորձագետների հետ քննարկելու եւ կատարելագործելու բջջային տեխնոլոգիաների ոլորտում նոր լուծումներ առաջարկող իրենց գաղափարները: Դասընթացին կարելի է գրանցվել հետեւյալ հղումով https://goo.gl/fNW3TJ
«Eurasia Mobile Challenge»-ը երկրորդ տարին է, ինչ իր շուրջն է համախմբում տեղեկատվական ոլորտի փորձագետներին եւ երիտասարդ ձեռնարկատերերին` դառնալով փորձի փոխանակման հիանալի հարթակ վերջիններիս համար: Այս տարի մրցույթի շրջանակում հայ երիտասարդների կողմից ներկայացվել են բավականին հետաքրքիր եւ նորարար ծրագրեր, որոնք կարող են դառնալ հաջորդ նշանակալի իրադարձությունը բջջային տեխնոլոգիաների ոլորտում, իսկ այս դասընթացն իր հերթին կօգնի մասնակիցներին ավելի կատարելագործել եւ պատշաճ կերպով ներկայացնել դրանք մրցույթի հետագա փուլերում», - նշեց Հայաստանում Beeline-ի Գլխավոր տնօրեն Անդրեյ Պյատախինը:
Մրցույթի հաջորդ փուլում յուրաքանչյուր երկրից կընտրվի երեքական մասնակից, ովքեր կմասնակցեն տարածաշրջանային կիսաեզրափակիչին: 1-ին, 2-րդ եւ 3-րդ տեղ զբաղեցրած մասնակիցները կստանան դրամական պարգեւներ (համապատասխանաբար 20 000, 15 000 եւ 10 000 ԱՄՆ դոլար), սարքավորումներ եւ լիարժեք վճարվող ուղեգիր` մասնակցելու Global Mobile Challenge մրցույթին, որը տեղի կունենա Բարսելոնում` Բջջային կապի համաշխարհային կոնգրեսի շրջանակում:
«Eurasia Mobile Challenge» մրցույթն իրականացվում է «Make your Mark» գլոբալ ռազմավարության շրջանակում եւ նպատակ ունի աջակցել երիտասարդներին իրականություն դարձնել իրենց գաղափարներն` օգտագործելով թվային տեխնոլոգիաները։
«Eurasia Mobile Challenge» մրցույթի վերաբերյալ լրացուցիչ տեղեկատվություն կարելի է ստանալ eurasiamobilechallenge.com կայքում:
