նախընտրելի դարձնելStack Overflow հարթակը ներկայացրել է Developer Stories նոր գործիքը, որի միջոցով ծրագրավորողները կարող են հեշտությամբ իրենց աշխատանքային պատմությունը ներկայացնել պոտենցիալ գործատուին: Այս մասին հայտնում է Techcrunch-ը:
Ծրագրավորողները, ինժեներները կամ ՏՏ ոլորտի աշխատողները միշտ չէ, որ կարողանում են համապարփակ ներկայացնել ավանդական ռեզյումեի ֆորմատով իրենց աշխատանքային պատմությունը:
Կոդավորման հետ կապված ցանկացած հարցերի պատասխաններ ստանալու Stack Overflow հարթակի մշակած նոր գործիքը օգնելու է նրանց այդ դժվարին խնդրում:
Ռեզյումեների ներկայացման նոր ֆորմատում երկու հնարավորություն կա՝ ավանդական ռեզյումե եւ այսպես կոչված timeline: Timeline-ում ներկայացվում է մասնագետի ձեռքբերումները, ունակությունները, open source նախագծերը, ստեղծած հավելվածները: Նոր ռեզյումեի մեջ կարելի է ներբեռնել նաեւ մուլտիմեդիա լուծումներ՝ վիդեոներ եւ նկարներ:
Stack Overflow-ի փոխտօրեն Ջեյ Հալթոնի խոսքով Developer Stories-ը միայն ծրագրավորողների ունակությունները ներկայացնող գործիք չէ, այլ՝ պոտենցիալ գործատերերի համար՝ իրենց թափուր հաստիքները զբաղեցնելու գործիք:
«Ծրագրավորողների մեծ մասը երբեք աշխատանք չի փնտրում: Այդ գործատուներն են նրանց փնտրում: Այդ պատճառով Developer Stories-ի ստեղծումն ավելի քան պահանջված էր»,- ասում է նա:
