նախընտրելի դարձնելՀոկտեմբերի 23-ին հիվանդանոցում մահացել է 19 օր առաջ Երեւանում վրաերթի ենթարկված՝ 66–ամյա Զեմֆիրա Առաքելյանը։ Այս մասին տեղեկացնում է ոստիկանության լրատվական ծառայությունը։
Հոկտեմբերի 5-ին ոստիկանության Քանաքեռ-Զեյթունի բաժնում հաղորդում էր ստացվել, որ Երևանի Ռուբինյանց փողոցի թիվ 1 շենքի դիմաց 1989 թ. ծնված Գեղամ Հ.-ն «Ֆոլքսվագեն» մակնիշի ավտոմեքենայով վրաերթի է ենթարկել 1950 թ. ծնված Զեմֆիրա Առաքելյանին, որը վնասվածքներով տեղափոխվել էր հիվանդանոց:
Հոկտեմբերի 23-ին, ժամը 19-ին, Զեմֆիրա Առաքելյանը հիվանդանոց գիտակցության չգալով մահացել է:
Քննությունը վարում է ՀՀ ՔԿ Երևան քաղաքի քննչական վարչությունը:
