նախընտրելի դարձնելԱվելացված արժեքի հարկի (այսուհետ՝ ԱԱՀ) գծով 2017 թվականի բյուջետային մուտքերը կանխատեսվել են 384.4 մլրդ դրամի չափով, ինչը բոլոր հարկերի ու տուրքերի 33․9 տոկոսն է կազմում։ Այս մասին ասվում է 2017-ի պետբյուջեի նախագծում, որի շուրջ քննարկումները նոյեմբերի 7-ին շարունակվել են ԱԺ-ում։
Հայաստանի 2017-ի բյուջեի եկամուտները կկազմեն 1 տրլն, 210 մլրդ դրամ, դրանից հարկերն ու տուրքերը ակնկալվում են 1 տրլն 131 մլրդ դրամի չափով (93,8%)։
Ակցիզային հարկի գծով 2017 թվականի բյուջետային մուտքերը գնահատվել են 63.6 մլրդ. դրամ:
Շահութահարկի գծով 2017 թվականի բյուջետային մուտքերը կանխատեսվել են 134.2 մլրդ դրամ:
Եկամտային հարկի գծով 2017 թվականի բյուջետային մուտքերը կանխատեսվել են 347.2 մլրդ դրամ:
2017 թվականի բյուջետային մուտքերը մաքսատուրքի գծով գնահատվել են 53.6 մլրդ դրամ
Բնապահպանական եւ բնօգտագործման վճարների գծով 2017 թվականի բյուջետային մուտքերը կանխատեսվել են 32.7 մլրդ. դրամ:
Արտոնագրային վճարների եւ շրջանառության հարկի գծով 2017 թվականի բյուջե¬տա¬յին մուտքերը կանխատեսվել են 24,3 մլրդ դրամ:
Օրենքով սահմանված գործունեության առանձին տեսակների համար հաստատագրված վճարների գծով 2017 թվականին գանձվելիք գումարները ծրագրվել են 3.3 մլրդ դրամի չափով:
2017 թվականին նպատակային սոցիալական վճարների գծով բյուջետային մուտքերը ծրագրավորվել են 14,3 մլրդ. դրամ:
Պետական տուրքերի գծվ 2017 թվականի բյուջետային մուտքերը ծրագրվել են 30,3 մլրդն դրամի չափով` 2016 թվականի համար հաստատված 30,1 մրդն դրամի եւ 2015 թվականին փաստացի ստացված 28,9 մլրդ դրամի դիմաց:
