նախընտրելի դարձնելՀայկական գինեգործական ընկերությունների պատվիրակությունը ՀՀ գյուղատնտեսության նախարարի տեղակալ Ռոբերտ Մակարյանի գլխավորությամբ Հայաստանի խաղողագործության եւ գինեգործության հիմնադրամի աջակցությամբ մեկ միասնական տաղավարով մասնակցում է Մոսկվա քաղաքում ընթացող «Պրոդէքսպո 2017» ցուցահանդեսին, որի պաշտոնական բացման արարողությունը տեղի է ունեցել նախօրեին:
Գյուղնախարարությունից NEWS.am-ին հայտնում են, որ միջոցառմանը ողջույնի խոսքով հանդես է եկել ՌԴ գյուղատնտեսության նախարարի տեղակալ Եվգենի Գրոմիկոն:
Ռոբերտ Մակարյանի խոսքով` ցուցահանդեսի առաջին օրն արդեն իսկ զգացվում է հետաքրքրություն հայկական գինիների նկատմամբ` հիմնականում մեզ համար թիրախային շուկա համարվող Ռուսաստանի կողմից։
Հայկական տաղավար են այցելել նաեւ ՌԴ-ում ՀՀ արտակարգ եւ լիազոր դեսպան Օլեգ Եսայանը, ՌԴ-ում ՀՀ առեւտրային ներկայացուցիչ Կարեն Ասոյանը, Ռուսաստանի սոմելյեների եւ փորձագետների միության նախագահ Արթուր Սարգսյանը։
Հայկական պատվիրակությունը ներկայացնում են 12 գինեգործական ընկերություններ` արտերկրյա սպառողին ներկայացնելով շուրջ 50 անուն հայկական գինիներ։
Ցուցահանդեսը կշարունակվի մինչեւ փետրվարի 10-ը ներառյալ։
