ՀՀ նախագահ Սերժ Սարգսյանի այսօրվա՝ փետրվաի 7-ի, հրամանագրով՝ կառավարությանն առընթեր պետական եկամուտների կոմիտեի (ՊԵԿ) աշխատակազմի մաքսանենգության դեմ պայքարի և կրկնակի մաքսային հսկողության վարչության պետ, մաքսային ծառայության գնդապետ Սամվել Կարոյի Սանամյանին շնորհվել է մաքսային ծառայության գեներալ-մայորի հատուկ կոչում։

ՀՀ նախագահի մամուլի գրասենյակից NEWS.am-ին հայտնում են, որ նախագահի պաշտոնական կայքէջի, նախագահի մեկ այլ հրամանագրով՝ մաքսային ծառայության գեներալ-մայորի հատուկ կոչում է շնորհվել նաև ՊԵԿ-ի նախագահի առաջին տեղակալ, մաքսային ծառայության գնդապետ Սամվել Ազիզի Ավետիքյանին։