Ստամբուլի հայկական «Ակոս» շաբաթաթերթի նախկին գլխավոր խմբագիր Հրանտ Դինքի սպանության գործով հերթական դատական նիստի ժամանակ հետախուզության C բաժանմունքի նախկին պետ Ֆուաթ Յըլմազերն իր պաշտպանական ճառի ժամանակ անիծել է դատավորին։

Ինչպես տեղեկացնում է Ստամբուլի հայկական «Ակոս»–ը, Ստամբուլի ծանր հանցագործությունների գործերով 14–րդ դատարանում վերսկվել է Դինքի սպանության գործով դատավարությունը, որի ընթացքում շարունակվել է Հետախուզության C բաժանմունքի նախկին պետ Ֆուաթ Յըլմազերի պաշտպանական ճառի լսումները։

Դինքի սպանության մեջ որպես մեղադրյալ Ֆուաթ Յըլմազերը դատական նիստի ժամանակ բողոքել է իր նկատմամբ կալանքի որոշում կայացրած դատավորի դեմ՝ նրան անիծելով։

Դատավորներից մեկը զգուշացրել է Յլըմազերին, որ չի կարելի անիծել, որից հետո դատավորի ու Յըլմազերի միջեւ վիճաբանությունէ  սկսվել։ Այնուհետ դատը հետաձգվել է։