նախընտրելի դարձնելԱՄՆ նախագահ Դոնալդ Թրամփը հայտարարել է, որ ԱՄՆ-ն «Սիրիա չի գնա», հաղորդում է ՌԻԱ Նովոստին:
«Մենք Սիրիա չենք գնա»,- Fox Business հեռուստաալիքին տված հարցազրույցում ասել է Թրամփը՝ չպարզաբանելով իր խոսքերը:
Միաժամանակ, նա անհրաժեշտ է համարել Սիրիայի ավիաբազային ԱՄՆ կողմից հասցված հարվածը եւ հայտարարել է, որ դա դեռ Բարաք Օբամայի վարչակազմը պետք է աներ:
Ավելի վաղ Իդլիբում հայտարարել էին քիմիական գրոհի հետեւանքով զոհերի մասին: Արեւմտյան պետությունները կառավարական ուժերին էին մեղադրել խաղաղ բնակչության նկատմամբ գրոհի մեջ: Ռուսաստանը կոչ էր արել հետաքննություն իրականացնել՝ մեղավորներին բացահայտելու համար:
