նախընտրելի դարձնելՀնդկական Մումբաի, Չեննաի եւ Հայդարաբադ քաղաքների միջազգային օդանավակայանները տագնապ են հայտարարել՝ օդանավերի գրավման սպառնալիքի հետ կապված: NDTV հեռուստաալիքի հաղորդմամբ՝ օդանավակայանների ծառայությունները, ինչպես նաեւ անվտանգության ուժերը բարձր պատրաստության են բերվել:
Նշվում է, որ Մումբաիի ոստիկանությունը մի կնոջից էլեկտրոնային փոստով հաղորդագրություն է ստացել, ով գրել է, թե ռեստորանում լսել է վեց տղամարդկանց զրույցը՝ նշված ուղղություններով օդանավերը միաժամանակ գրավելու մասին: Այլ մանրամասներ հայտնի չեն:
Օդանավակայաններում հակաահաբեկչական խմբեր են տեղակայված, ձեռնարկվել են անհրաժեշտ այլ միջոցառումներ:
Ավիաընկերություններն ուղեւորներին խորհուրդ են տալիս ավելի վաղ ժամանել օդանավակայններ եւ կատարել անվտանգության ուժերի հրահանգները:
