նախընտրելի դարձնել«Սոսե»-2017» միջազգային կինոփառատոնը սկսել է ֆիլմերի հայտերի ընդունումը, որին պատրաստվում է մասնակցել նաեւ Հայաստանը:
Հիմնական մրցութային ծրագրում կարող են մասնակցել բոլոր ֆիլմերը՝ առանց թեմատիկ սահմանափակման (խաղարկային, լիամետրաժ, կարճամետրաժ, վավերագրական):
Կինոփառատոնն ունի եւս երկու մրցութային ծրագիր՝ «Բովանդակությունը՝ կին» եւ «Ուսանողական»: «Բովանդակությունը՝ կին» մրցութային ծրագրին կարող են մասնակցել ֆիլմեր, որոնցում արծարծվում է կնոջ թեման: Լավագույն մեկնաբանության համար նախատեսված է ոսե Մայրիկի անվան մրցանակ: Իսկ «Ուսանողական» մրցութային ծրագրին ներկայացվում են աշխարհի տարբեր ծայրերում սովորող ուսանողների աշխատանքներն առանց ժանրային կամ թեմատիկ սահմանապակման: Կինոփառատոնը կհովանավորի «Լավագույն ուսանողական աշխատանք» անվանակարգում հաղթող եւ Հայաստանում սովորող ուսանող-ռեժիսորի մեկ տարվա ուսման վարձը, իսկ արտերկրում սովորող ուսանող-ռեժիսորին կտրվի պատվոգիր:
«Սոսե» միջազգային կինոփառատոնի ֆիլմերի նախնական ընտրությունը իրականացնում է միջազգային հանձնախումբը, որում ընդգրկված են նաեւ հայ մասնագետները։
Հայտերի ընդունման վերջնաժամկետը 2017 թվականի մայիսի 31-ն է: Ֆիլմերի նախնական ընտրության արդյունքները կամփոփվեն 2017թ-ի հուլիսի 1-ին։ Կինոդիտումները կանցկացվեն 2017 թ.-ի օգոստոսի 14-ից հոկտեմբերի 2-ը։ Իսկ մրցանակաբաշխությունը կկայանա հոկտեմբերի 14-ին։
«Սոսե» միջազգային կինոփառատոնի գլխավոր նպատակն է նպաստել Հայաստանում եւ Արցախում ֆիլմարտադրության զարգացմանը, ինչպես նաեւ աջակցել համատեղ ֆիլմերի արտադրությանը, որպեսզի ստեղծվեն հայ-իտալական, հայ-բուլղարակ, հայ-իրանական եւ այլ ֆիլմեր:
Հայտերի ընդունման պայմաններին մանրամասն կարող եք ծանոթանալ www.sosefestival.com կայքի «կանոնակարգ» բաժնում։
