նախընտրելի դարձնել
Ջեսիկա Միլլերը արդեն հույս չուներ, որ երբեւէ կգտնի իր Դաշա անունով շանը, որին գողացել էին անհայտ անձիք։ Երեք տարի անց Ջեսիկան ու նրա կորած շունը նորից հանդիպել են, հայտնում է Life-ը։
Ջեսիկային զանգահարել են Հերեֆորդշիրից, որը նրա տնից 160 կմ հեռավորության վրա է։ Շանը գտել էին ավանի ճանապարհին ու վերադարձրել օրինական տիրուհուն։
Երեկոյան Ջեսիկան շանը արդեն տուն էր բերել,։ Շանը հաջողվել է գտնել նրա մաշկի տակ ամրակցված միկրոչիպի միջոցով։ Շան որոնումներին մասնակցել է նաեւ ոստիկանությունը, աղջիկը սոցցանցերում էլ էր լայնածավալ արշավ սկսել, բայց շանը հաջողվել էր գտնել միայն երեք տարի անց։
Հանդիպման երջանկությունը մռայլել է միայն շան վիճակը՝ նրա մաշկի վրա բազմաթիվ սպիներ էին ու մի քանի բաց վերքեր։ Շանն անմիջապես տարել են անասնաբույժների մոտ, որոնք խոստացել են, որ կենդանին շուտով կապաքինվի։ Այդուհանդերձ, աղջիկը անհանգիստ է ու ուզում է հասկանալ, թե ինչ է տեղի ունեցել իր սիրելի շան հետ։ Դաշայի վարքագիծը կտրուկ փոխվել է, նա սկսել է ագրեսիվ հաչել, չնայած նախկինում երբեք նման բան չէր անում։
