նախընտրելի դարձնելԿիեւում Գերագույն ռադայի շենքի առջեւ հավաքված ցուցարարները պահանջում են անձեռնմխելիությունից զրկել «Ընդդիմադիր բլոկ» խմբակցության պատգամավոր Միխայիլ Դոբկինին, իսկ առողջապահության նախարարության շենքի մոտ հավաքված արհմիությունների ներկայացուցիչները բողոքում են ոլորտի բարեփոխումների դեմ:
Ըստ ՈւՆԻԱՆ-ի՝ Ռադայի մոտ շուրջ 200 մարդ է հավաքվել՝ «Աջ հատված» ծայրահեղական կազմակերպության, «Ազատություն» ազգայնական կուսակցության եւ «Նոր ուժերի շարժման» դրոշներով:
Գերագույն ռադան հինգշաբթի մտադիր է քննարկել Ուկրաինայի գլխավոր դատախազությանը «Ընդդիմադիր բլոկ» խմբակցության պատգամավոր Միխայիլ Դոբկինին պատգամավորական անձեռնմխելիությունից զրկելու եւ քրեական պատասխանատվության ենթարկելու թույլտվություն տալու հարցը:
