նախընտրելի դարձնել
Սքոթլանդ-Յարդը, որը գիտի, թե որտեղ է գտնվում Ինտերպոլի կողմից հետախուզվող Wikileaks կայքի հիմնադիր Ջուլիան Ասանջը, սպասում է հրամանի` հետագա գործողությունների համար:
Այսինքն, անգլիական ոստիկանությունն առայժմ Ասանջին ձերբակալելու փորձեր չի անում:
Independent թերթի փոխանցմամբ, Ասանջը, հոկտեմբերին ժամանելով Լոնդոն, ոստիկանությանն է հանձնել իր բոլոր կոնտակտները: Այդուհանդերձ, Սքոթլանդ-Յարդը չի կարող ձերբակալել հետախուզվող ավստրալացուն առանց կազմակերպված հանցավորության դեմ պայքարի բրիտանական գործակալության հրամանի:
Ասանջի փաստաբան Մարկ Սթեֆենսը հավաստիացրել է, թե իր պաշտպանյալը չի թաքնվում եւ անգամ մի քանի հարցազրույց է տվել:
Ինչպես արդեն հայտնել է NEWS.am-ը, Ինտերպոլը միջազգային հետախուզում էր հայտարարել Wikileaks կայքի հիմնադիր Ջուլիան Ասանջի նկատմամբ, քանի որ նրան Շվեդիայում մեղադրում են բռնաբարությունների եւ սեռական ոտնձգությունների մեջ:
