նախընտրելի դարձնելՏիգրան Պետրոսյանի անվան շախմատիստի տանն այսօր, դեկտեմբերի 25-ին տեղի ունեցավ Հենրիկ Կասպարյանի անվան շախմատի եւ շաշկու մանկապատանեկան մարզադպորցի հիմնադրման 50-ամյա հոբելյանին նվիրված շախմատի մրցաշարի փակման հանդիսավոր արարողությունը, որին մասնակցեց նաեւ Հայաստանի շախմատի ֆեդերացիայի նախագահ, ՀՀ նախագահ Սերժ Սարգսյանը:
Եռօրյա պայքարին մասնակցել են 90 շախմատիստներ, այդ թվում 20 գրոսմայստերներ:
Կանանց մրցաշարի հաղթողի կոչումը նվաճեց Լիլիթ Մկրչյանը, որը Էլինա Դանիելյանի հետ վաստակեց հավասար` 7,5 միավոր, սակայն լրացուցիչ ցուցանիշով գրավեց առաջին տեղը: Դանիելյանը երկրորդն է: Երրորդ մրցանակը ստացավ Լիլիթ Գալոյանը:
50-ից ավագ տարիքային խմբում հաղթող դարձավ դպրոցի մարզիչ Սահակ Մկրտչյանը:
Հիմնական մրցաշարում ծավալված հավասար պայքարում առաջին մրցանակը նվաճեց Տիգրան Լեւոնի Պետրոսյանը, որը վաստակեց 9,5 միավոր: Երկրորդ եւ երրորդ տեղերը գրավեցին Հրանտ Մելքումյանն ու Գաբրիել Սարգսյանը:
Հաղթողներին եւ մրցանակակիրներին պարգեւատրեց Փյունիկ բարեգործական հիմնադրամի հոգաբարձուների խորհրդի նախագահ Լեւոն Սարգսյանը:
