նախընտրելի դարձնել
Մենք պատրաստվում ենք մասնակցել առաջիկա ընտրություններին: Այս մասին հուլիսի 25-ին լրագրողների հետ հանդիպման ժամանակ ասաց «Հիմնադիր խորհրդարանի» քարտուղարության անդամ Գեւորգ Սաֆարյանը:
Նրա խոսքով՝ իրենք մտադիր են իրենց շուրջը կոնսոլիդացնել մեծ ընտրազանգված: «Արդեն ապագայում նախընտրական գործընթացների շրջանակում կարող են բանակցություններ վարվել քաղաքական այլ ուժերի հետ, նույնիսկ կոալիցիայի ստեղծմանն ուղղված»,- պարզաբանեց Սաֆարյանը՝ նշելով, սակայն, որ այս հարցով կոնկրետ որոշում դեռեւս չունեն: Նա միաժամանակ հավելեց, որ նախընտրական ցուցակների վերաբերյալ դեռեւս ոչ մի քննարկում չի եղել:
«Հիմնադիր խորհրդարանի» ներկայացուցիչը շեշտեց, որ Հայաստանում իշխանության 3 ճյուղ կա, եւ հեղափոխությունից հետո փոխվել է դրանցից միայն մեկը: Իսկ մնացյալ երկուսը նույնպես բարեփոխումների կարիք ունեն, ուստի այս գործընթացը պետք է շարունակվի:
