նախընտրելի դարձնել
Ռուսաստանում տարածաշրջանից կախված՝ հացահատիկի գները 28-73 տոկոսով բարձրացել են: Հունվարի 29-ին Երեւան-Մոսկվա տեսակամուրջի ժամանակ այս մասին ասաց Ռուսական հացահատիկային միության նախագահ Արկադի Զլոչեւսկին:
Նրա խոսքով՝ դա կապված է շուկայում պահանջարկի ավելացման եւ առաջարկի կրճատման հետ:
«Անասնաբույծների կողմից հացահատիկի պահանջարկի ավելացումը լրացուցիչ պահանջարկ է ստեղծում: Բացի այդ, գյուղացիների պահվածքը, երբ հետաձգում են վաճառքը եւ ձգտում են գների աճի գագաթնակետի ժամանակ վաճառել հացահատիկը, նույնպես ազդում է գների աճի վրա», - նշեց նա:
Զլոչեւսկին նշեց, որ սա 25 տոկսով հանգեցրել է եկամուտի աճին եւ խոսքն այս դեպքում ռեկորդային ցուցանիշի մասին է:
«Հաջորդ տարի ընդհանուր հավաքի աճ է սպասվում, ինչը կարող է ազդել ինչպես ներքին գների, այնպես էլ արտահանման մասնաբաժնի վրա», - հավելեց նա:
