նախընտրելի դարձնել
Հայաստանը քննարկում է Իսրայելում դեսպանատան բացման հարցը՝ երկրների միջեւ հարաբերությունները նոր մակարդակի հասցնելու համար: «The Jerusalem Post»-ին տված հարցազրույցում այս մասին ասել է ՀՀ փոխարտգործանախարար Գրիգոր Հովհաննիսյանը:
«Հայաստանի պես փոքր երկրի համար դժվար է ավանդական դիրքորոշումից լուրջ շեղումներ անել՝ լուրջ արձագանք չառաջացնելով: Ներկայումս դեսպանատան գտնվելու վայրի հարցով Հայաստանի դիրքորոշումը չի փոխել, սակայն ես չէի կենտրոնանա դրա վրա: Կարեւորը հարաբերությունները զարգացնելն է»,- ասել է նա:
Հովհաննիսյանն ընդգծել է, որ թեեւ Հայաստանը կցանկանար, որ Իսրայելը նույն կերպ պատասխաներ՝ Երեւանում դեսպանատուն բացելով, դա պարտադիր պայման չի լինի Իսրայելում Հայաստանի դեսպանատան բացման համար:
