ԿԸՀ-ն մշակել է առաջին փուլում նախագահական ընտրությունների քվեարկության արդյունքների արձանագրությունների 95,59 տոկոսը։ Ինչպես տեղեկացնում է ՈՒՆԻԱՆ-ի թղթակիցը, քվեարկության արդյունքներով առաջատարը շոումեն Վլադիմիր Զելենսկին է, որին աջակցել է ընտրողների 30,22 տոկոսը։ Գործող նախագահ Պյոտր Պորոշենկոյի օգտին քվեարկել է ընտրողների 15,93 տոկոսը, «Բատկիվշչինա» համաուկրաինական միության ղեկավար Յուլյա Տիմոշենկոյի օգտին՝ 13,40 տոկոսը։ «Ընդդիմադիր հարթակ-Կյանքի համար» կուսակցության համանախագահ Յուրի Բոյկոյի օգտին՝ 11,60 տոկոսը, «Քաղաքացիական դիրքորոշում» կուսակցության առաջնորդ Անատոլի Գրիցենկոյի օգտին՝ 6,95 տոկոսը, ինքնաառաջադրված Իգոր Սմեշկոյի օգտին՝ 6,02 տոկոսը, Արմատական կուսակցության առաջնորդ Օլեգ Լյաշկոյի օգտին՝ 5,47 տոկոսը, «Ընդդիմադիր դաշինք-Խաղաղության եւ զարգացման կուսակցության» թեկնածու Ալեքսանդր Վիլկուլի օգտին՝ 4,18 տոկոսը, «Ազատություն» ՀՄ թեկնածու Ռուսլան Կոշուլինսկու օգտին՝ 1,64 տոկոսը։ Բոլոր մյուս թեկնածուները հավաքել են 1 տոկոսից քիչ ձայն։ Ընդհանուր առմամբ՝ հաշվվել է 17 մլն 990 հազար 746 քվեաթերթիկ։ Հիշեցնենք, որ համաձայն Ազգային էկզիթ-փոլի վերջնական տվյալների՝ Ուկրաինայի նախագահի թեկնածու, շոումեն Վլադիմիր Զելենսկու օգտին քվեարկել է ընտրողների 30,6 տոկոսը, գործող նախագահ Պյոտր Պորոշենկոյի օգտին՝ 17,8 տոկոսը, «Բատկիվշչինայի» ղեկավար Յուլյա Տիմոշենկոյի օգտին՝ 14,2 տոկոսը։