Հայտնի հաղորդավարուհի Թինա Կանդելակին Telegram-ի ալիքում իր կարծիքն է արտահայտել Վրաստանում կատարվող իրադարձությունների վերաբերյալ՝ ընդգծելով, որ դա բազմաշերտ սադրանք է՝ ձախողման վկայություն, հաղորդում է teleprogramma.pro-ն:

Նրա կարծիքով ակցիաները չեն արտահայտում Վրաստանի բնակիչների մեծամասնության վերաբերմունքը ռուսների եւ ՌԴ նկատմամբ:

Ներկայիս անկարգությունները ՌԴ կողմից Աբխազիայի եւ Հարավային Օսիայի անկախությունների ճանաչումն են եւ դրանից այսօր օգտվում են աշխարհաքաղաքական մրցակիցները:

Հաղորդավարուհին վստահ է՝ ռուս պատգամավոր Գավրիլովը բոլորովին չի պատրաստվել ավանդականա վրացական հյուրընկալությանը անշնորհակալությամբ պատասխանել , բայց այն չպետք է խախտեին նաեւ այն ակտիվիստները, որոնք տրվել են մանիպուլյացիաներին:

Կանդելակին կարծում է, որ երկու երկրներին չի կարելի  այրել միացնող կամուրջները:

 «Եթե մենք մեր կողմից այրենք կամուրջը, ապա այն միայն ավելի արագ կայրվի»:

Հինգշաբթի երեկոյան Թբիլիսիում տեղի է ունեցել լայնածավալ հակակառավարական ցույց, որը կազմակերպվել էր Վրաստանի խորհրդարանում ՌԴ Պետդումայի պատգամավոր Սերգեյ Գավրիլովի ելույթի հետեւանքով: Մասնակիցները պահանջում էին ներքին գործերի նախարարի, խորհրդարանի ղեկավարի եւ Ազգային անվտանգության ծառայության ղեկավարի հրաժարականը:

Իշխանությունները հրաժարվել էին իրականացնել այդ պահանջները, եւ կեսգիշերին մոտ հանրահավաքի մասնակիցները փորձել էին ներխուժել խորհրդարանի շենք:

Ոստիկանությունը ցրել էր հանրահավաքը՝ կիրառելով արցունքաբեր գազ, ռետինե փամփուշտներ եւ ջրցաններ: Բախումների հետեւանքով տուժել է 240 մարդ, այդ թվում՝ 80 ոստիկան: Տարբեր իրավախախտումների համար բերման են ենթարկվել 305 ցուցարարներ: