նախընտրելի դարձնել
Երեւան քաղաքի ընդհանուր իրավասության դատարանի դատավոր Զարուհի Նախշքարյանը Դատավորների միությունից պահանջում է հանդես գալ դատավոր Դավիթ Գրիգորյանի նկատմամբ քրեական հետապնդումը դատապարտող հայտարարությամբ:
Նա Facebook-ի իր էջում, մասնավորապես, գրել է.
«1.Պահանջում եմ գումարել ՀՀ դատավորների միության խորհրդի նիստ՝ դատավոր Դավիթ Գրիգորյանի նկատմամբ հետապնդումը դատապարտող հայտարարությամբ հանդես գալու նպատակով։
2.Պահանջում եմ 16.08.2019 դատավորների ընդհանուր ժողովի օրակարգը լրացնել եւս մեկ կետով. քննարկել դատական իշխանության անկախությանը միջամտության անթույլատրելիությունը եւ կանխարգելումը։ ԲԴԽ-ի որպես դրա երաշխավորի անգործությունը եւ այն հաղթահարելու ուղիները»։
Ավելի վաղ NEWS.am-ը հայտնել էր, որ Ռոբերտ Քոչարյանին ազատ արձակած դատավոր Դավիթ Գրիգորյանը մեղադրվում է ՀՀ ՔՕ 314-րդ հոդվածով նախատեսված արարք կատարելու մեջ՝ պաշտոնական կեղծիք: Դատավորը մեղադրանքը չի ընդունում եւ հայտնում է, որ դա ուղիղ կապ ունի իր մասնագիտական գործունեության հետ:
