Macmillan Publishers հրատարակությունը սեպտեմբերի 17-ին կթողարկի Ազգային անվտանգության գործակալության նախկին աշխատակից Էդվարդ Սնոուդենի գիրքը, որում նա պատմում է իր կյանքի պատմությունը: Գիրքը հնարավոր կլինի գնել աշխարհի 20 երկրներում, հաղորդում է «ՌԻԱ Նովոստին»:

Էդվարդ Սնոուդենի «Անձնական գործ» հուշագրությունները ամբողջ աշխարհում  կհրատարակվեն 2019 թվականի սեպտեմբերի 17-ին Macmillan Publishers- ի կողմից», - Facebook- ի իր էջում նշել է հրատարակչությունը:

Հրատարակչության կայքում գրքի նկարագրության մեջ նշվում է, որ Սնոուդենը մարդ էր, որը վտանգում էր ամեն ինչ, որպեսզի բացահայտնի զանգվածային հետեւման ԱՄՆ կառավարական համակարգը, կյանքում առաջին անգամ պատմում է  իր կյանքի պատմությունը, այդ թվում այն մասին, թե ինչպես է նա օգնել կառուցել այդ համակարգը եւ թե ինչն է  նրան դրդել ոչնչացնելու այն»:

 Մասնավորապես, գիրքը կհայտնվի ԱՄՆ-ի, Մեծ Բրիտանիայի, Ավստրալիայի, Հնդկաստանի, ՀԱՀ-ի խանութներում: «Անձնական գործ»-ի նախնական պատվերը կարելի է անել հրատարակչության կայքում:

«Այսպիսով, ես ավարտին հասցրեցի միջազգային դավադրությունը 20 երկրում, և ինչ-որ կերպ գաղտնիքը չէր բացահայտվել: Սահմանադրության օրը (ԱՄՆ) արդյունքը կհայտնվի ամբողջ աշխարհի գրադարակներում», - Twitter-ում գրել է Սնոուդենը:

Էդվարդ Սնոուդենը 2013-ի հունիսին Washington Post եւ Guardian թերթերին էր փոխանցել  համացանցում ԱՄՆ-ի ու Մեծ Բրիտանիայի հատուկ ծառայությունների գաղտնալսման ծրագրերի մասին մի շարք գաղտնի նյութեր։ Նա Հոնկոնգ էր մեկնել, այնտեղից էլ՝ Մոսկվա, որից հետո ԱՄՆ իշխանությունները չեղարկել էին նրա անձնագիրը։ Դրա հետեւանքով Սնոուդենը զրկվել էր Ռուսաստանը լքելու հնարավորությունից։

Ավելի ուշ ՌԴ-ն Սնոուդենին ժամանակավոր ապաստան էր տրամադրել այն պայմանով, որ նա կդադարեցնի ԱՄՆ-ի դեմ իր գործունեությունը։ 2014-ի օգոստոսի մեկին Սնոուդենը երեք տարով բնակության թույլտվություն էր ստացել, որը նրան թույլ էր տալիս ճամփորդել ոչ միայն Ռուսաստանում, այլեւ դրա սահմաններից դուրս։