նախընտրելի դարձնել
Մեծ Բրիտանիայի վարչապետ Բորիս Ջոնսոնի քույերը՝ Ռեյչելը, լրագրողների հետ զրույցում քննադատել է իր եղբոր հռետորությունը, հաղորդում է ՌԻԱ Նովոստի-ն:
Նախօրեին խորհրդարանում բուռն քննարկումների ընթացքում Ջոնսոնը մի շարք կոշտ հայտարարություններ է արել:
«Իմ եղբայրն օգտագործել է «հանձնվել» եւ «կապիտուլյացիա» բառերը, կարծես ժողովրդի օրհնյալ կամքի ճանապարհին կանգնած մարդիկ, այսինքն՝ 2016-ին 17,4 մլն ձայն, պետք է կախաղան հանվեն, խեղդվեն, քառահատվեն, խեժով ամ փետուրներով պատվեն: Կարծում եմ, որ դա դատապարտելի է: Հուսով եմ, որ այսօր համայնքների պալատում բոլոր կողմերը որոշակի համաձայնության կհասնեն, որպեսզի նման երեւույթները զրոյացվեն: Այդ ամենը ոչնչի չի հանգեցնի»,- Sky News-ին տված հարցազրույցում ասել է վարչապետի կրտսեր քույրը:
Նա նաեւ քննադատել է 2016 թվականին ուլտրաաջ ծայրահեղականի կողմից սպանված պատգամավոր Ջո Քոքսի վերաբերյալ եղբոր խոսքը:
«Կարծում եմ՝ անհարմար է: Պատգամավորին սպանեց նա, ով բղավում էր՝ «Մեծ Բրիտանիան առաջին հերթին»»,- ասել է Ռեյչել Ջոնսոնը:
Ավելի վաղ խորհրդարանից հեռանալու եւ նախարարական պաշտոնից հրաժարավելու մասին հայտարարել էր վարչապետի եղբայր Ջո Ջոնսոնը: Նա որոշումը բացատրել էր նրանով, որ իր քաղաքական հայացքներն ու ընտանեկան հարաբերությունները բախվում են:
Վարչապետը հրաժարվել էր ներողություն խնդրել իր խոսքերի համար:
«Վարչապետն ակնհայտորեն բարձրացրեց առավել լայն գաղափար, ըստ որի նա կարծում է, որ բրեքզիթի խնդիրը պետք է լուծվի, քանի որ այն երկրում մտահոգություն եւ դժգոհություն է առաջացնում»,- հայտարարել էր վարչապետի պաշտոնական ներկայացուցիչը:
