Երեւանում, այսօր, սեպտեմբերի 27-ին խոշոր ավտովթար է տեղի ունեցել. ժամը 03։00-ի սահմաններում Արմավիրի մարզի Հայթաղ գյուղի բնակիչ 25-ամյա Արազ Ավետիսյանը իր վարած Mercedes մակնիշի 34 OZ 247 համարանիշի ավտոմեքենայով Ծովակալ Իսակովի պողոտայում, Ոստիկանության զորքերի N զորամասի դիմաց դուրս է եկել ճանապարհի երթեւեկելի գոտուց, բախվել պատին եւ, առաջ ընթանալով, բախվել երկաթե էլեկտրասյանը։

Shamshyan.com-ի  հաղորդմամբ, վթարի հետեւանքով վարորդը, ում առաջինը օգնության են հասել քաղաքացիները եւ ուղեւորը՝ վարորդի համագյուղացի 25-ամյա Գարիկ Մուրադյանը, տեղափոխվել են «Աստղիկ» բժշկական կենտրոն։ Նշված կենտրոնից հայտնել են, որ ուղեւորը գտնվում է ծայրահեղ ծանր վիճակում։

Հետաքննիչի հանձարարականով՝ ավտոմեքենան, որը վերածվել է մետաղե ջարդոնի, տեղափոխվել է Երեւանի ՃՈ պահպանվող հատուկ տարածք։ Հրշեջ-փրկարարները հոսանքազրկել են ավտոմեքենան, փակել գազաբալոնն ու սահմանազատել տարածքը։